Telegram Ads reklamasi nima uchun rad etiladi? Barcha sabablarni ko‘rib chiqamiz
| 😤 «Reklamamni nega rad qilishdi? Axir hech qanday noto‘g‘ri ish qilmadim-ku!» Bunday savol ko‘pchilikka tanish. Lekin taxmin qilib o‘tirishning foydasi yo‘q: Telegram rad etish sababini har doim kabinetning o‘zida yozib beradi. Agar unga e’tibor bermasangiz, kreativlarni bekorga qayta-qayta o‘zgartirishingiz mumkin. 👉 Aslida esa sabablar ko‘p emas. Ularning barchasi 5 ta asosiy toifaga kiradi va ularni bilib olish juda muhim. Keling, birgalikda ko‘rib chiqamiz. |
📌1. Ad format
Kamdan-kam uchraydi, lekin bo‘ladi.
- Reklamadan tashqi ijtimoiy tarmoqlarga (Instagram*, Facebook*, YouTube va boshqalar) olib borish mumkin emas — faqat Telegram ichida bo‘lishi kerak.
- Matn va havola bir-biriga mos bo‘lishi shart.
📝2. Editorial requirements
Eng ko‘p uchraydigan bosh og‘riq, ayniqsa euro-kabinetlarda. Moderatorlar matnlarga juda qattiq qarashadi.
Nimalar mumkin emas:
- «Sen» deb murojaat qilish (uslub buzilishi).
- Imlo yoki grammatik xatolar.
- Sleng, so‘kinish, haddan tashqari samimiy ohang.
- Juda ko‘p emoji ishlatish.
- Katta harflardan noto‘g‘ri foydalanish (masalan, butun so‘zni KAPSLAR bilan yozish), ortiqcha «!!!» yoki «???».
- «Tezroq bos!» kabi klikbeyt gaplar.
🔗3. Link format
Bu yerda xato aynan havolalar bilan bog‘liq bo‘ladi.
Bu yerda xato aynan havolalar bilan bog‘liq bo‘ladi.
- Reklama matnida umuman havola ko‘rsatish taqiqlangan.
- «https://» yozib bo‘lmaydi.
- Faqat bitta havola ishlatish mumkin.
- Havola faqat Telegram ichidagi obyektga olib borishi kerak: kanal, bot, chat yoki @username.
⚡4. Destination requirements
Bu safar muammo matnda emas, balki reklama qayerga olib borayotgani — kanal, bot yoki sayt bilan bog‘liq bo‘ladi.
Turlari:
- Destination quality — bo‘sh kanal, ma’lumotsiz landing, foydasiz sahifa.
- Destination functionality — bot ishlamaydi, sayt ochilmaydi, kanal yopiq.
- Irrelevant destinations — mos kelmaslik. Masalan, reklama ruscha, ammo landing turkcha.
- Manipulation of content — o‘zgarishlar. Moderatsiyadan keyin kanal yoki sayt kontentini keskin o‘zgartirsangiz, tizim buni aldagan deb o‘ylashi mumkin.
🛑 5. Prohibited content
Bu eng qat’iy toifa — hech qanday murosa yo‘q.
Nimalar taqiqlangan:
- Alkogol, tamaki, narkotik moddalar.
- Qimor o‘yinlari, gambling.
- Siyosat, din va «hissiy mavzular».
- Kreditlar, mikrozaymlar, «tez boyish» sxemalari.
- Litsenziyasiz tibbiy xizmatlar.
- Spam, yolg‘on daromad va’dalari, odamni chalg‘itadigan va’da va shiorlar.
- «Eng yaxshi», «birinchi», «№1» kabi isbotsiz da’volar. Telegram bunday bo‘rttirishlarni yoqtirmaydi.
⚖️ Yana nimalarni bilish muhim
- Yosh cheklovlari. Reklama yosh reytingiga mos bo‘lishi va xavfsiz bo‘lishi kerak.
- Rasmlar. Surat matnga mos bo‘lishi shart, unda shok-kontent, zo‘ravonlik yoki ochiq-sochiqlik bo‘lmasligi kerak.
- Shaffoflik. Telegram har qanday «clickbait» va manipulyatsiyaga qarshi kurashadi.
Xulosa
Reklamangiz rad qilinganda:
- Avvalo kabinetda qaysi toifa ko‘rsatilganini tekshiring.
- Keyin faqat o‘sha joyni to‘g‘rilang — ortiqcha narsalarni bekorga o‘zgartirmang.
Agar siz Telegram Ads reklamangizni xatolarsiz va ishonchli qo‘llab-quvvatlash bilan boshlamoqchi bo‘lsangiz — Meridians Marketing ga murojaat qiling. Biz Telegram Ads’ning O‘zbekistondagi rasmiy resellerimiz va sizga Euro-kabinet ochishda, kampaniyalarni to‘g‘ri sozlashda hamda natijaga olib chiqishda yordam beramiz.
Yangi savdo kanalini ishga tushiring
Telegram da Reklama yoqish oson!
Ko‘p beriladigan savollar (FAQ)
Ko‘pincha reklama matndagi xatolar (editorial requirements), noto‘g‘ri havola, landingdagi muammolar yoki taqiqlangan kontent sababli rad etiladi.
Imlo xatolari, «sen» deb murojaat qilish, slenq va so‘kinish, ortiqcha emoji ishlatish, «eng yaxshi», «№1» kabi iboralar va klikbeyt.
Alkogol, tamaki, kreditlar, qimor o‘yinlari, siyosat, hissiy mavzular, «tez boyish» sxemalari, yolg‘on va’dalar va isbotsiz da’volar taqiqlangan.
Yo‘q. Matnda havola qo‘yish taqiqlangan. Faqat bitta havola ishlatish mumkin va u faqat Telegram’dagi kanal, bot yoki profilga olib borishi kerak.
Sabab har doim Telegram Ads kabinetida ko‘rsatiladi. Kategoriyani tekshirish kerak: Ad format, Editorial, Link format, Destination yoki Prohibited content.
Matnlarni xatolardan tozalang, taqiqlangan iboralardan foydalanmang, landing ishlayotganini va mos ekanini tekshiring, Telegram qoidalariga amal qiling.
Euro-kabinetlarda matnga talablar qattiqroq, editorial sababli rad etilishlar ko‘proq uchraydi. TON-kabinetlarda moderatsiya yumshoqroq, lekin geotargeting yo‘q.
Ha, Euro-kabinet orqali O‘zbekiston bo‘yicha (hatto shaharlar kesimida) target qilish mumkin. Ishni boshlash uchun rasmiy resellerlarga murojaat qilish qulay.
Rasmiy resellerlar, masalan, Meridians Marketing. Ular Euro-kabinet ochishda, moderatsiyadan o‘tishda va kampaniyalarni to‘g‘ri sozlashda yordam beradi.
Narx kabinet turiga va budjetga bog‘liq. Resellerlar orqali kirish talablari pastroq, shuning uchun kichik testlardan boshlab, keyin natijaga qarab kengaytirish mumkin.
Meridians Marketing 2025