(Telegram Ads) O‘zbekistonda: reklamani bosqichma-bosqich ishga tushirish

Telegram — O‘zbekistonda eng ko‘p ishlatiladigan messenjerlardan biri. Uning reklama platformasi — Telegram Ads — biznesingizni tezroq va samaraliroq targ‘ib qilish imkonini beradi. Bu blogda siz reklama kampaniyasini qanday bosqichma-bosqich ishga tushirishni bilib olasiz. Shuningdek, Meridians jamoasi bu jarayonni marketologlar va tadbirkorlar uchun qanday ancha osonlashtirib berishini ham ko‘rsatamiz.

Telegram Ads nima?

Telegram Ads — bu Telegram’ning rasmiy reklama platformasi bo‘lib, u 1 000 dan ortiq obunachisi bor ochiq kanallarda homiylik xabarlarini joylashtirish imkonini beradi. Har bir e’lon (160 belgigacha) kanal lentasida tabiiy ko‘rinadi va foydalanuvchilarning shaxsiy ma’lumotlaridan foydalanilmaydi. Tizim oddiy: kanallarni tanlaysiz, havola qo‘shasiz va kampaniyani TON kriptovalyutasi yoki EURO cabinet orqali ishga tushirasiz.

Nega Telegram Ads O‘zbekistonda aktual?

Telegram O‘zbekistonda juda katta auditoriyaga ega. Pavel Durov ma’lumotiga ko‘ra, mamlakat aholining 70% dan ortig‘i Telegram’dan faol foydalanadi — bu qariyb 25 million kishi demak. Har kuni o‘zbek segmentida kanallardagi postlar 1,3 milliard marta ko‘riladi. Bunday mashhurlik Telegram’ni marketing uchun eng muhim kanallardan biriga aylantiradi: odamlar shu yerda ko‘p vaqt o‘tkazadi va kontentga ishonch bilan qaraydi.

Agar biznesingiz shu yerda bo‘lsa, katta ehtimol bilan sizning auditoriyangiz har kuni kanallarni varaqlaydi, tugmalarga bosadi va botlarga yozadi. Reklama aynan shu joyda ko‘rinadi — tabiiy, bezovta qiluvchi spamsiz. Bizning tajribamiz buni tasdiqlaydi: 75+ mijoz, 1 milliarddan ortiq ko‘rishlar va 1 mingdan ortiq kampaniyalar orqali shuni ko‘rdikki, toza taklif va to‘g‘ri targetlash bilan Telegram Ads arzon ko‘rsatmalar va yaxshi konversiya beradi — ayniqsa uzun “voronka” kerak bo‘lmagan sohalarda.

Qaysi hollarda Telegram Ads eng samarali bo‘ladi?

  • kanal yoki botga obunachilar yig‘ishda, tezkor leadlarda, aksiyalar va chegirmalarda;
  • mahalliy xizmatlar: yetkazib berish, ta’lim, sog‘liq, moliya, e-commerce;
  • adminlar bilan alohida kelishmasdan tez va keng ko‘lamli kampaniyalar kerak bo‘lganda.
Telegram Ads’da reklama qanday ishga tushiriladi?
  • Trafikni qayerga(posadka) yo‘naltirasiz?
    Avvalo, foydalanuvchini qaysi manzilga olib borishni belgilang: kanal (obunachilar sonini oshirish), bot (test/so‘rovnoma yoki arizalar), sayt/landing (sotuvlar yoki leadlar). Mobil tezlikni, birinchi ekranni va bitta aniq CTA’ni tekshiring — kuchli “posadka” byudjetni sezilarli darajada tejaydi.
    1
  • Kabinet va byudjetni ulash
    Avval reklamani yuritish uchun Euro kabinet ochish kerak. Uni faqat rasmiy resellerlar orqali olish mumkin — masalan, Meridians sizga kabinetni tez va qulay ochib beradi. Keyin balansni to‘ldirasiz. Mantiqan boshlash uchun €500 yetarli: bu miqdor gipotezalarni test qilish va dastlabki xulosalarni olishga kifoya qiladi.
    2
  • Maqsadingizga mos targetni tuzing
    Ikki xil to‘plam yarating: tor (eng dolzarb va mos kanallar) va kengroq (masshtab uchun). Agar muhim bo‘lsa, shaharlar kesimida alohida geotarget qiling. Ortiqcha kanallarni esa bemalol chiqarib tashlang.
    3
  • 3–5 ta qisqa kreativ yozing
    160 ta belgi — ko‘p emasdek tuyuladi, lekin to‘g‘ri ishlatsangiz yetarli. Formula oddiy: [muammo/xohish] + [va’da/raqam] + [shart/muddat] + [CTA]. Turli metodnlarni sinab ko‘ring — ba’zida “eng chiroyli” matn emas, balki eng aniq va tushunarli taklif g‘alaba qozonadi.
    4
  • Stavkani belgilang va kampaniyani ishga tushiring
    Avval o‘rtacha stavkadan boshlang. Reklama 1–2 kun ishlagandan keyin natijalarga qarang: qancha odam ko‘rdi, necha marta chiqdi va nechta bosish bo‘ldi: Oxvat/Klik/CTR. Juda past stavka qo‘ymang — aks holda test sekinlashadi va xulosalar chiqishi cho‘zilib ketadi.
    5
  • Har kuni optimallashtiring
    Har 24 soatda byudjetni eng yaxshi ishlayotgan bog‘lamalarga (auditoriya + kanal + kreativ) ko‘chiring, natija bermayotganlarini o‘chirib turing, kreativlarni yangilang. Va albatta landing sahifasi konversiyasini ham kuzating — hammasi faqat stavkaga bog‘liq emas.
    6
Telegram Ads yoqish samarali

Tipik xatolar va ularni qanday oldini olish mumkin

  • Bitta kreativ “hammasiga” — signal kam bo‘ladi, test cho‘zilib ketadi. Darrov bir nechta variant tayyorlang.
  • Trafikni “hech qayerga” yo‘naltirish — kanal jim, botda ssenariy yo‘q, landing og‘ir. Ba’zan CPM’ni oshirishdan ko‘ra voronkani to‘g‘rilash foydaliroq bo‘ladi.
  • Juda umumiy target — охват bor, natija yo‘q. Klasterlash muammoni hal qiladi.
  • Kampaniyani bir kunda to‘xtatish — xulosa chiqarishdan oldin kampaniyaga statistika yig‘ishga imkon bering.

Meridians Telegram Ads'ni ishga tushirishni qanday yengillashtiradi?

Telegram Ads’ni ishga tushirishda ortiqcha ovora bo‘lish shart emas. Biz avval trafik qayerga yo‘naltirilishini (kanal, sayt yoki bot) ko‘rib chiqamiz, kerak bo‘lsa maslahat beramiz. Reklamani tayyorlab, kampaniyani ishga tushirib beramiz va dastlabki natijagacha yoningizda bo‘lamiz. Agar moderatsiya rad etsa — darhol aralashamiz va muammoni hal qilamiz.
Bu sizga vaqtni tejash, byudjetni to‘g‘ri yo‘naltirish va reklama natijalarini tezroq ko‘rish imkonini beradi.
  • Sozlash va oldindan tekshirish
    Boshlash uchun hammasini tez tayyorlab beramiz: reklamaga kerakli kabinetni ochamiz yoki sozlaymiz, kerakli kirish va ulanishlarni qo‘shamiz.
    Startdan oldin auditoriyani qayerga olib borishingizni (kanal, sayt yoki bot) diqqat bilan ko‘rib chiqamiz: kontent to‘g‘rimi, tugmalar ishlayaptimi, platforma qoidalariga mosmi, sahifa tez ochiladimi. Agar muammo bo‘lsa, ochiq aytamiz va oddiy ro‘yxatda nima tuzatish kerakligini ko‘rsatib beramiz. Shundan keyin kampaniyani ehtiyot bilan ishga tushiramiz.
    Nimalar qilamiz: sahifani tekshirish → maslahatlar berish → kabinetni sozlash → texnik sinov.
  • E’lon va Targetlashda yordam
    Meridians jamoasi Telegram reklamasida katta tajribaga ega va qaysi matn yoki rasm auditoriyani yaxshiroq jalb qilishini biladi. Ular sizga e’lon matnini to‘g‘ri shakllantirishda yordam beradi, eng mos kanallar yoki toifalarni tavsiya qiladi va biznesingiz uchun to‘g‘ri sozlamalarni (geo, qiziqishlar va boshqalar) tanlab beradi. Bu ayniqsa reklama kampaniyasini birinchi marta boshlayotgan va sozlamalarda ishonchsiz bo‘lganlar uchun juda foydali.
  • To‘lov va balansni to‘ldirish
    TON kabinetida ko‘pincha muammolar chiqadi: valyutani almashtirish, pul o‘tkazmada kechikish, balans kechikib tushishi sabab reklama to‘xtab qolishi mumkin. Bizda bunday xavotir yo‘q. Birinchi to‘lovni ham, keyingi top-aplarni ham tez va shaffof amalga oshiramiz. Pul o‘z vaqtida tushadi, reklama uzluksiz ishlaydi. Siz e’tiborni mijozlarga va sotuvga qaratasiz, biz esa reklamaning to‘xtab qolmasligini kafolatlaymiz.
  • Start, moderatsiya va optimallashtirish
    Reklamani ishga tushiramiz, moderatsiya va natijalarni har kuni kuzatib boramiz: byudjetni yaxshi ishlayotganlarga yo‘naltiramiz, natija bermayotganlarini o‘chirib qo‘yamiz, matnlarni yangilaymiz. Agar e’lon yoki manzil rad etilsa, darhol aralashamiz: sababini tushuntiramiz, qo‘shimcha material so‘raymiz yoki aniq qanday tuzatish kerakligini ko‘rsatib beramiz.

Xulosa

Telegram Ads — O‘zbekistonda auditoriyaga tez va aniq yetib borish uchun kuchli imkoniyat. Uni jarayon sifatida ko‘ring: gipoteza → start → o‘lchash → tuzatish. Test qilishga vaqt bering, voronkani kuzating va faqat natija berayotgan yo‘nalishlarni kengaytiring. Shunda reklama byudjeti samarasiz ketmaydi, balki haqiqiy o‘sishga xizmat qiladi.
Va albatta, jarayonni yengillashtirish yo‘li ham bor. Meridians — Telegram Ads’ning O‘zbekistondagi rasmiy reselleri sifatida sizga kabinet ochishdan tortib, kampaniyani to‘liq kuzatishgacha yordam beradi. Bu sizga xatolardan qochib, biznesni tezroq kengaytirish imkonini beradi.

Yangi savdo kanalini ishga tushiring

Telegram da Reklama yoqish oson!
Telegram Ads Boshlash

Ko‘p beriladigan savollar (FAQ)

Meridians Marketing 2025